Koch rajbanshi kabita समयर महत्तव ( जाहे नि राख्बे पहिले,समयर हुश उहा हबे पाछुत,धानेर भुस)

Rajbanshi kabita "SATYA"

       Rajbanshi Kabita समयर महत्तव

जाहे नि राख्बे पहिले ,समयर हुश । ,उहा हबे पाछुत,धानेर भुस ।।
जाहे कर्बे पहिले ,समयर हेला, उहा बुझ्बे समयर महत्तव, दुखेर बेला ।।
जाहे कर्बे पहिले ,समयक घिन । उहा नि पाबे फुर्सद ,पाछुत एकछिन ।।
जहे कर्बे समयक, पहिले मान । उहा हबे पाछुत ,मूल्यवान ।।
जाहे कर्बे पहिले ,समयक अपमान । उहा निपाबे पाछुत, कोईठिना मान ।।
जाहे पहिले समयक ,नि चिन्बे । पाछुत उहा कोईठिना ,ठाउ निपाबे ।।
जाहे पहिले समयक, बेनाबे संग । उहार निहबे पाछुत ,टाकार बन ।।
जाहे निभुझ्बे, समयर गुण । उहा निपाबे पाछुत ,चाखुवा नुन ।।
जाहे कहबे पहिले ,समय काहे हए ? तम्हा चिन्बन पाछुत, मुर्ख उहाए हए ।।
जाहे पहिले निबुझ्बे , समयर महत्व । पाछुत उहा निचिन्बे कहाक कहे सत्य ?
जाहे कर्बे समयक, पहिले माया । समय रहबे हरदम, उहार दया ।।
जाहे पहिले हान्बे , समयक लात । पाछुत उहा निपाबे, कोईठिना भात ।। जाहे पहिले खट्बे ,समयर संगे जन । पाछुत उहाक मिल्बे , तन मन धन ।।
जाहे पहिले मिलावे, समयर संगे मन । पाछुत उहार निहबे ,चारदामाल बन ।।
जाहे पहिले निजान्बे, समयर संगे बेरूवा । उहा हबे पाछुत, हरेक कामेर हारूवा ।
जाहे पहिले लागाबे, समयर संगे मित । उहार पाछुत हबे, हरेक कामेर जीत ।।

Rajbanshi kabita "सत्य"

सत्य तूई छिस शक्तिशाली । तोर शक्ति ,बल छे अपार ।।
सत्यर विजय हरखुना । कोधोएनी हचे तोर हार ।।
पृथ्वीत छे तोर मान । कोईनी पाबे तोर समान ।।
तोर संगे छे ईमान धर्म । अमर हबार बनेचे कर्म ।।</ p>
सुखी जीवनेर तुई दाता । असत्य बैमानी तुई हर्ता ।।
क्रोध अभिमानी अत्याचार । तोर सामुनेसभारे हार ।।
पवित्र बिचारे कर्ले काम । अटल रोहोबे उहार नाम ।।
सत्य , जीवनत तोक लागे । सुपथे जाबार कर्म जागे ।। Satya tui xis saktishali . Tor sakti , baal xe aapar..
Satyar bijay harkhuna . Kodhaini hache toor haar..
Prithivit xe toor Maan . Koini parbe toor samaan..
Tor sange xe emaan dharma. Aamar hawar banache karma ..
Sukhi jeevaner tui datha . Aasatya baimani tui harta..
Krodh abhimani atyachaar. Tor samune savare haar ..
Pabitra bichare karle kaam. Aatal rohabe uhaar naam..
Satya, jeevanat tok lage . Suphate jabaar karma jage..

SAMAYER MAHATOO

Jaay ni rakhbe paihle, samayer hush! uha habe pachut, dhaner bhush !!
Jaay karbe paihla, samayek hela! Uha bhujbe samayer mahatua, dhuker bella!!
Jaay karbe paihla, samayek ghin! Uha ni pabe furshad, pachut ekchin!!
Jay karbe samayek , paihle maan ! Uha habe pachut Muliyawaan !!
Jaay karbe paihle, Samauek apamaan ! Uha nipabe pachut , koithina maan !!
Jaay paihle samayek ,ni chinbe ! Pachut uhaakoi thina, thaau nipabe!!
Jaay paihle samayek, Banabe sang! Uhaar nihabe pachut, taakar baan !!
Jaay nibhujbe samayer gunn ! Uhaa nipabe pachut , chakwa nunn!!
Jaay kahabe paihle, samay kay hai ? Thaama chinban pachut, Murkha waye hai!!
Jaay paihle ni bhujbe , samayer mahatua! Pachut uhaa nichinbe, kahak kay satya ?
Jaay karbe samayek, paihla maya ! Samay rahabe hardam, uhaar daya !!
Jaay paihla hanbe samayek laat ! Pachut uhaar nipabe, koi thina bhaat!!
Jaay paihle khatbe, samayer sange gaan ! Pachut uhaak milbe ,taan maan dhaaan!!
Jaay paihle milabe, Samayer sange maan! Pachut uhaar nihabe chaardamal baan !!
Jay paihle nijanbe, samayer sange baruwa! uhaa habe pachut, harek kamer haruwa
Jaay paihle lagabe ,Samayer sange mit! Uhaar pachut habe ,Harek Kamer Jeet
Related posts: Rajbanshi kabita Rajbanshi songs Rajbanshi photo gallary Rajbanshi Videos