पूर्ना कविता आर लेखकलार नामे कविता
हामार भाषात मुखत कासा लागाल कल बहादुर ।आन्धार समाजत थोरेक जनाक जलाऐ दिले राम बहादुर ।
पदम ड कदम चलाले होम नारायणेर साथ ।
राजवंशी भाषा संकलन हामार भाषात ।।
हामार भाषार ताने प्रचुर यद्ध करचे रण बहादुर ।।
धुप निकलाए चुप हएगेल देबदास जगत बहादूर ।।
मोरङ अत हेनङ कदर करिल्कि जागिए उठिल धर्ति ।
ठक्नु लालेर सनदेश मिठाई, पान एकखान बेसाति ।।
लागए फूल, फुल सिङ ,लागाए फुलेर ब्रिछ ।
राजबंशी भाषा प्रचार प्रसारनेर बन्या अदछ्य ।।
दलसिह कल्बल करेचे हामार भाषा प्रचार प्रसारनेर ताने ।
पसुरामेर जुद्ध सेष होल अन्तराष्टर्य सम्मेलने।।
ऐ हामार होले एइ कुले ना ओइ कुले ।
घैलाडुबाए रसखान भराए राखिचे हेतान गोकुले कि गोकुले ।।
उप्रेर कविता खान बुझ्वार ताने
कविता संग्रह नाम ----हामार भासा --- संकलक---कल बहादुर,पदमकविता संग्रह नाम ----जनाक --- संकलक--- राम बहादुर
कविता संग्रह नाम ----धुप --- संकलक--- जगत बहादुर
कविता संग्रह नाम ----बेसाति --- संकलक--- ठक्नु लाल
गोकुल राजवंशी--घैलाडुब्बा- कलाकार आर कवि--गोकुले कि गोकुले
Rajbanshi Kabita ओ भाई किसान चासा
भाद्रपुर जाई भान्सा करे खाई
भाद्रपुर जाई भान्सा करे खाई देउनि लदिते
ईलाकाथा नयानेर देखि रे देखाते
भाद्रपुर जाई भान्सा करे खाई देउनि लदिते
आरे भद्रपुर जाई गाडिया, उचा निचा गिरगिरिया
जंगले मंगले हए, रस-रस करिया
ऐइठिना त् नाछिले कोई, दिनदोपरे करे धोई धोई
आल्हा ना देखेचन सरके सरके , कटकला करेचकन जोई जोई
ईलाकाथा नयानेर देखि रे देखाते
भाद्रपुर जाई भान्सा करे खाई देउनि लदिते
कुन्ठान चलिगेल स्याल सिहंनि ढेट्कुवा ...baki...
मात्रि भाषा बोलचाल
बल्अ बल्अ आई माई भाइ बन्धुला आब कि करिमात्रि भाषा बोलचाल हमेस हरित घरि
सिखि लिखि आपुन भाषा दुर करि
माअ बाप डाकाए हामार भासा उचारि
बल्अ बल्अ माअबाप भाईबाप आझि केसे डाङ्गाए मारि
सारि सारि बारि बारि हामाला दिल बिचार करि
निते चल्अ अगम जले झापदे सभाए मरि
बल्अ बल्अ आई माई भाइ बन्धुला आब कि करि
दिने दिने बढेचे दुनिया सभाए हासि खुसि
चन्द्र लोक पुगिए आसिचे अमेरिकार देशबासि
हामालार कि स्वतन्त्रता आझिअसे ना आसे
आस्बे केसे माअ बिना माउरिया छेचा
डिमार खल्टा होलको बिना रसे
झकझक चान्द देखेचु आकाशे इड अन्धि काले दिने
भाई बन्धु मिलि जुलि भाषार उन्नति करि नाहइ त कोइ भिन्ने
हामार भाषा विष्य वाते उठन गोतर झारि
साभारे पाए गोरे लागेचु माफि करबन गुन्हागारि ।।।
बल्अ बल्अ आई माई भाइ बन्धुला आब कि करि
हामार भाषा विषय
मोर मने द्रिष्टिकणे हामार भाषार बिषयहाटबाजारे झाग्राकरे कोय कसुरे वा कोय भाषाए
कसुर दुसि ना भाषार दुसि ,मोक द बुझाए
कसुर करे कसुरधारिक ,सिपाहि धरिए लिए जाए
हाकिम हए हुकुम करे, कसुर धारिक ,खोप से धम्काए
भाषार कि तस्किल करे ,देख्अ ग्यान अकिल
कसुर धरा परेचे ,भाषा ड बचिल बचिल
चाल-चलन आचार बिचार जाहे खाराब करे
हाकिम हए हुकुम करि जेल खानाते ताहके मारे
चोर डाकु लुच्चा लफन्दर हिन्सुकचाई कर्मचारि धुसखोर
बान्धे बेब्स्थार घर ताहारे वास्ते
भाषार पुस्तक साहार प्रचार करिलिरे भाइ जगते
जय जय सनार नेपाल मन करि पवित्रता
हिलमिल करे गुजर करि ,दादा भाई करे दिन विता ।।।
गणेस भगवानेर बन्दना
बन्दिनुदेब जयगणेशहात्तिर मुथा सभाङ सुन्दर बाप तोर महेश
पारवति जहार माअ, देबदेबाङकर जपे तोर नाउ
जयदेब जय गणेश ,दुई ठेङगे चाकरिया प्रभु बेना हरहमेश
बन्दिनुदेब जयगणेश
नाजानि तोर भक्ति अस्ति केसे खुसि करि
निन्दुर सबार खोप गजब तोर अलग धान्दारि
जयदेब जय गणाश दुई ठेङगे चाकरिया प्रभु बेना हरहमेश
बान्झनिलाख पुत्र दिलो, निर्धनि धन माया
सन्तेर सुहागितत् ग्यानेर दिलो छाया
कुडियाला ध्यान करे, पाए सिन्दर भेश
दया करोहे लम्वोदर श्रि गुरु गणेश
गामार मुर्ख प्रभुर दुई पाअ धिआइचि ,
नदियारे भाषा खुटा, हामार भाषा रचि
ईखन तराई नेपाल मधेश ,
सनार नेपाल हामार कपालत बेना हरहमेश
बन्दिनुदेब जयगणेश
पानी लाल राजवंशी डाङ्गिवारि-५
Ph. no: 9824084341
