Rajbanshi Poem
हामा सभाए मिलिए
उचल खादीलाक ढिपाए ,एक नया डेगर बेनाई, हामा सभाए मिलिए ।
पेन्जारीत फासाल पखिलाक,
ग्यानेर जान्हाक फैलाई,हामा सभाए मिलिए ।
निराश चेहरालाक ,मुस्कान पैदा कराई,हामा सभाए मिलिए ।
गफसप एनङ करी,
सदा हर्षित बनिए रही,
हामा सभाए मिलिए ।
दुषित विचारलाक,सत विचार प्रदान करी
हामा सभाए मिलिए ।
भाषा संस्कृतिर ख्याल राखी, मानव शक्ति जगाई, हामा सभाए मिलिए ।
मात्रि भाषा बोलचाल
बल्अ बल्अ आई माई भाइ बन्धुला आब कि करि
मात्रि भाषा बोलचाल हमेस हरित घरि
सिखि लिखि आपुन भाषा दुर करि
माअ बाप डाकाए हामार भासा उचारि
बल्अ बल्अ माअबाप भाईबाप आझि केसे डाङ्गाए मारि
सारि सारि बारि बारि हामाला दिल बिचार करि
निते चल्अ अगम जले झापदे सभाए मरि
बल्अ बल्अ आई माई भाइ बन्धुला आब कि करि
दिने दिने बढेचे दुनिया सभाए हासि खुसि
चन्द्र लोक पुगिए आसिचे अमेरिकार देशबासि
हामालार कि स्वतन्त्रता आझिअसे ना आसे
आस्बे केसे माअ बिना माउरिया छेचा
डिमार खल्टा होलको बिना रसे
झकझक चान्द देखेचु आकाशे इड अन्धि काले दिने
भाई बन्धु मिलि जुलि भाषार उन्नति करि नाहइ त कोइ भिन्ने
हामार भाषा विष्य वाते उठन गोतर झारि
साभारे पाए गोरे लागेचु माफि करबन गुन्हागारि ।।।
बल्अ बल्अ आई माई भाइ बन्धुला आब कि करि
