आलाह तक् छु ढेना [जदसे एक आपसत हइचे चिन्हाजाना ।तोर लाखा सुन्दरी माई, निदेखु कोइठिना ....

आलाह तक् छु ढेना

जदसे एक आपसत हइचे चिन्हाजाना ।
तोर लाखा सुन्दरी माई, निदेखु कोइठिना ।।
तोर विना मन निजाछे मोर जैलातभि हेतिना ।
फम आसेचे मात्र तोर तुई रहचिस जेइठिना ।।

शरिफ, सुन्दरी मात्र नाहए रूप छे तोर नाना ।
तोर पावार आशात माइ मुइ हइचु दिवाना ।।
बुझ्वार कोशिस कोरेक माई मोर मनेर भावना ।
तोक पावार आशात माई मुई रहचु सबखुना ।।

परिवर्तनशील छे माई आजकालकार जमाना ।
विन्ति लगाए कहचु तोक मुइ आलाहतक छु ढेना ।।
देवी देवतालाक केतेक मान्ति पूर्ण होक मनोकामना ।
जदि मनोकामना पूरा हए सभाए दिवे शुभकामना ।।

काहार काथा काहे कहवे

खुशी कि हए ? दु:खीयाक पुछी,
जाहे दु:खेर सागरत डुवाल रहचे ।
धन सम्पति कि हए ? गरीवक पुछी,
जाहारे सम्पति धनी से शोषण हइचे ।

मित्रता कि हए ? प्रदेशीक पुछी,
जाहे पोरेर देशत गुलामी खटेचे ।
ग्यान कि हए ? अनपढक पुछी,
जाहे गरीवी कारण से लेखवा पढुवा निपाइचे ।

माता- पिता कि हए ? माउरियाक पुछी,
जाहारे वाप- माअ छट से छराए गिछे ।
इड दुनिया कि हए ? कानाक पुछी,
जाहे दुई नयन से देखुवा निपाचे ।

प्रेम कि हए ? प्रेमीक पुछी,
जाहे एक आपसत धोखा पाइचे ।
विशवास कि हए ? विशवासीक पुछी ?
जाहे आत्मिय मित्र से विशवासघात हइचे ।

Alahaw Tak Xu Dhena

Jadse ek aapasat haiche chinajana.
Tor lakha sundari mai, mui nidhaku koithina ..
Tor bina man nijache mok jailat v hetina.
Pham asache matra tor tui rahachis jaithina..

Sarif , sundari matra nahay roop xe tor nana.
Tok pawar aasat mai mui haichu Diwana..
Bhujwar koshis karek mai mor maner Bhawana.
Tok pawar aasat mai mui rahachu sabkhuna..

Paribartan xe mai aghikalkar jamana.
Binti lagay kahachu tok mui alahaw tak xu dhena..
Devi devta lak ketak manti purna hok Manokamana.
Jadi Manokamana pura hai shavay Dibe Subhakamana..

Kahara Katha kahay Kahabe

Khushi ki hay ? Dhukhyak phuchi,
Jahay Dhukher sagarat dubaal Rahache..
Dhan sampati ki hay ? Garibak phuchi,
Jahare Sampati Dhani se shosit Haiche..

Mitrata ki hay ? Pradashik puchi,
Jahay parer deshat gulami khatache..
Gyaan ki hai ? Aanphadak puchi
Jahay garibi karan se lekhuwa phaduwa ni paiche..

Mata- Pita ki hay ? Mauriyak puchi,
Jahar Baap- Maau xata se chariye giche..
Eda duniya ki hay ? Kanak puchi,
Jahay dui Nayan se dhukuwa ni pache.

Prem ki hay ? Premik puchi,
Jahay ek apasat dhoka paiche.
Biswas ki hay ? Biswashik puchi,
Jahay aatmiya mitra se Biswasghat haiche..