नारी तुई केताखान महान गटे दु:ख सहचिस् हर दु:ख सहे सभारे भार उठाचिस ...........

राजवंशी कविता "नारी"

नारी तुई केताखान महान गटे दु:ख सहचिस्
चुपचाप रहचिस सभारे मान करेचिस ।
बाप माअर घर बढ हए जन्म घर त्यागिए
काहार नया स्वर्ण संसार साजाचिस ।।

तुई त ममतार सागर मायार खानी ।
मायार रछा कर्ते दैदेचिस प्राण ।
समर्पण तोर परिचयर माध्यम ।
सृष्टिर नियम तुई राखेचिस कायम ।।

हर दु:ख सहे सभारे भार उठाचिस ।
एताखान कष्ट ताहॅ तुई सहचिस ।।
आपनार तोर चिन्ताए नि, उपकारी तोर काम ।
ताहु स्वार्थी लोक करि दिछे तोर बदनाम ।।

अधिकार कोय तोर कोय तोर स्थान
अवला नारी सम्झिए तोक करेचे शोषण ।।
उठ उठ जाग जाग शोषणेर विरूद्धत
नयास्वर्ण संसार साजाए सुखी घरत ।।

कर्तव्यनिष्ठ नारी तुई

ना कहोक अवला,
आधा अंश जगतेर नारी तुई,
यीड संसारेर मूल प्रवाहरूपी,
रचना, निर्माण, संहारकर्ता छिस् ।

नारी तुई सृष्टिर किरण हईस,
आर ममतार खानी हईस,
हृदय ममतार अमृत तुहे पिलाचिस,
माता बनिए झोलो तुहे हिलाचिस ,
ना कहोक अवला ..... ...... ..... ।

घर एग्नार सङ्गे तुहे छिस,
उचित निर्देशनेर स्रोत तुहे हईस,
कर्तव्यनिष्ठ नारी कर्मशील छिस,
पर्दार भित्रत नाहए युद्ध मैदानत छिस ।।
ना कहोक अवला ..... ...... ...... ....... ।

Rajbanshi kabita "Naari"

Naari tui ketakhan mahan Gatte Dhukha sahachis
Chupchap rahachis sabhare maan karachis.
Baap-Maur ghar bada hai janma ghar tyagiye
Kahara naya swarna Sansar Sajachis.

Tui ta mamatar sagar mayar khani .
Mayar rakxa karte daidachis praan.
Samarpan tor parichayer madhyam.
Sristir niyam tui Rakhacis kayam

Har Dhukh shay savare vaar uthachis.
Yethakhan kasta thau tui Sahachis..
Aapnar tor chintay ni, upakari tor kaam.
Thaau swarthi lok kari diche tor Badnam..

Aadhikar koy tor koy tor sthaan
Abala nari Samghiye tok karache soshan..
Utha utha Jaga jaga Soshaner birudhat
Naya Swarna Sansar Sajay Sukhi Gharat ..

Kartabiyanistha Naari Tui

Na kahok abala,
Aadha aansha jagater Nari tui,
Yeda Sansarer mul prabharupa,
Rachana, Nirman aar Sanghaarkarta xis .

Nari Tui shriatir kiran hais,
Aar mamatar khani hais,
Hriday mamatar amrit tuhay pilaychis,
Mata baniye Jholo tuhye hilaychis,
Na kahok abala ..... ....... ....

Ghar aagnar sange tuhay xis,
Uchit Nirdashaner shroth tuhay hais,
Kartabiyenistha nari karmasil xis,
Pardar bhitrat Nahay yudh maidanat xis,
Na kahok Abala ..... ........ .......... ...........